"Күз + сезім"
Сол ағаштар, сол дала өзгермеді,
Қай құдірет тап қылды сізге мені?
Суық күнде жүрекке жылу беріп,
Өзіңізбен махаббат күзде келді.
Білесің бе?
Білесің бе өмірдің қиындығын?
Сыйын бүгін, Аллаға сыйын күнім!
Мейірімді ол-сұрасаң кешіреді,
Көп болса да, күналар жиынтығын
Алтын балыққа тілек
Алтын балық дәметкен қармақтай
Бақытымды іздеп жүрмін бармақтай.
Адасамын, теңселемін сол жолда,
Жел ығымен жүре тұғын қаңбақтай.
"Сен жүрегімнің..."
Сен менің кеудемдегі тұмарымсың.
Жарық қылар жалғанды шырағымсың.
Өзгелергелерге ешқашан сәйкеспейтін,
Жүрегімнің жалғыз ғана сыңарысың.
"Қашықтағы ғашығым"
Тұтқынына айналып сағыныштың,
Саған қарай келеді алып ұшқым.
Қол ұстасып отырсам құшағында,
Түсім екен мен тағы жаңылыстым.
Көп күрсінбе
Көп күрсінбе жарығым,неге "МЕН" деп?
Сұрағына жауап берем шегелеп кеп,
Барлық адам тұрады сәтсіздіктен,
Керек емес ренжіп өкпелеп тек.
Көкек ананы кешіру
Апа сені көрдім ғой бірінші рет,
Айыптысың сондықтан түрің сүмек.
Жылағанда жанымда болмап едің,
Қарсы алдыңда отырмын күлімсіреп.
Оны ойласам
Бұл әлем махаббатқа айналғандай,
Көңілім әлдекімге байланғандай.
Оны ойласам жүрегім қатты соғып,
Өз-өзімнен кетемін жай таба алмай.
Хайп қуғандарға
Интернетпен талай жүр бағын ашып,
Көрсем болды аяймын жаным ашып.
Ұлтты бұзып барады ұялмастан,
Хайп үшін шешініп тәнің ашып.
Енді мені ойлама қайтарам деп
Бұзылғандай сертіннің тас қамалы,
Жанарыңнан еріксіз жас тамады.
Өзге жанға сыйлап ен жүрегінді,
Менде енді сыйлаймын басқа адамды!
Ей, жүрегім
Ей жүрегім, тұрмысың сезіп мұны.
Тағдыр мені кімдерге кезіктірді?
Бағаламай отырғанда бақытымды,
Бақытсыздар жөн сілтеп кезіп тұрды.
Көздерімнен көрінгенде
Көздерімнен көрінгенде сәуле нұр,
Үнілуін, сыр іздеуін әуре құр.
Жанарымның жасықтығы жасырып,
Қалдырады шарасыздық қалде бір.
Мендік сезім
Мендік сезім сенікінен бөлек шығар,
Бірақ оны өшіру керек шығар.
Өзге жанға қарамай жүргеніме,
Сені қатты сүйгенім себеп шығар.
Сынағыштарға
Мейлі мұң кеп тоқтамай тамшыласын,
Еңсемді езіп бәрі де жаншыласын.
Мен ешқашан бетімнен қайтпаймын ғой,
Алғанымша өмірдің қанжығасын.
Қаламаймын
Уақытым ғой жалындар жастай жанып,
Қайдағыны отырмын босқа ойланып.
Махаббаттан қашқақтап жүретіндей,
Нәзік жаным кеткен бе тасқа айналып?
Пікірлер
-
Сымбат
Күшті -
қарақат
керемет -
Ерлан
Керемет -
Жанайым
қызық екен! супер
- Narsha Bulgakbaev Нарша Булгакбаев
-
- Габриэль Гарсиа Маркес
- Альфред Адлер
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі